Երևանի Շիրազի փողոցում բախվել են ավտոբուսը և «Մերսեդես» մակնիշի մեքենան. մեկ օրում 13 պատահար է եղել

ԵՐԵՎԱՆ, ՀՈՒՆՎԱՐԻ 22, 24News

ղզցղզց

Անցած մեկ օորւմ Հայաստանում գրանցվել է ճանապարհատրանսպորտային 13 պատահար: Այս մասին տեղեկացնում է ՀՀ ոստիկանութունը:

Հունվարի 21-ին, ժամը 11.20-ին, «Օպել» մակնիշի մեքենայի վարորդը Երևանի Շիրազի փողոցում վրաերթի է ենթարկել 53-ամյա կնոջ, որը մարմնական վնասվածքներով տեղափոխվել է հիվանդանոց:

Նույն օրը, ժամը 15.50-ին, Երևանի Շիրազի փողոցում բախվել են ավտոբուսը և «Մերսեդես» մակնիշի մեքենան: Ավտոբուսի 26-ամյա ուղևորը մարմնական վնասվածքներով տեղափոխվել է հիվանդանոց:

Երևանի Բագրատունյաց փողոցում հունվարի 21-ին, ժամը 11.30-ին, «Ֆորդ» մակնիշի մեքենայի վարորդը վրաերթի է ենթարկել 83-ամյա քաղաքացու, որը մարմնական վնասվածքներով տեղափոխվել է հիվանդանոց:

Հունվարի 21-ին, ժամը 20.40-ին, Երևանի Մանթաշյան և Չեխովի փողոցների խաչմերուկում ավտոբուսի վարորդը վրաերթի է ենթարկել 36-ամյա կնոջ, որը մարմնական վնասվածքներով տեղափոխվել է հիվանդանոց:

Երևանի Մամիկոնյանց փողոցում բախվել են «Տոյոտա» և «Ֆորդ» մակնիշի մեքենաները: «Տոյոտայի» վարորդը մարմնական վնասվածքներով տեղափոխվել է հիվանդանոց:

Երեկ՝ հունվարի 21-ին, ժամը 17.30-ին, «Մերսեդես Բենց» մակնիշի մեքենայի վարորդը Երևանի Վաղարշյան փողոցում վրաերթի է ենթարկել 75-ամյա կնոջ, որը մարմնական վնասվածքներով տեղափոխվել է հիվանդանոց:

Երևանի Աճառյան փողոցում հունվարի 21-ին, ժամը 12.20-ին, իրար են բախվել «ԳԱԶ-3110», «ՎԱԶ-2107» և «Օպել» մակնիշի մեքենաներ: «ՎԱԶ-2107»-ի ուղևորը մարմնական վնասվածքներով տեղափոխվել է հիվանդանոց:

Հունվարի 21-ին, ժամը 13.20-ի սահմաններում, Թալին-Արմավիր ճանապարհի 8-րդ կմ-ին   բախվել են «Մերսեդես» և «ՎԱԶ 2107» մակնիշի մեքենաներ: «ՎԱԶ 2107»-ի վարորդը, ուղևորը և «Մերսեդեսի» երեք ուղևորները մարմնական վնասվածքներով տեղափոխվել են հիվանդանոց:

Նույն օրը,ժամը 14.30-ի սահմաններում, «Օպել Զաֆիրա» մակնիշի մեքենայի վարորդը Արարատի մարզի Բուրաստան գյուղում վրարեթի է ենթարկել 57-ամյա կնոջ, որը մարմնական վնասվածքներով տեղափոխվել է հիվանդանոց:

Հունվարի 21-ին, ժամը 13.20-ի սահմաններում, «Լեքսուս» մակնիշի մեքենան Սարուխան-Գանձակ ճանապարհին դուրս է եկել երթևեկելի գոտուց և բախվել երկաթե խողովակներին: Ուղևորը մարմնական վնասվածքներով տեղափոխվել է հիվանդանոց:

«Նիսան» մակնիշի մեքենայի վարորդը հունվարի 21-ին, ժամը 09.45-ի սահմաններում,  Աշտարակ-Երևան ճանապարհին վրաերթի է ենթարկել 52-ամյա կնոջ և իր մեքենայով տեղափոխել հիվանդանոց:

Հունվարի 21-ին, ժամը 15.30-ի սահմաններում, Երևան-Գորիս ճանապարհի 222-րդ կմ-ին իրար են բախվել «Ջիպ Լիբերտի» և «Օպել» մակնիշի մեքենաներ: «Օպել»-ի վարորդը և ուղևորը մարմնական վնասվածքներով տեղափոխվել են հիվանդանոց:

Երևան-Մեղրի ճանապարհի 150,5-րդ կմ-ին  հունվարի 21-ին, ժամը 19.15-ի սահմաններում, «Ինֆինիտի» մակնիշի մեքենան դուրս է եկել երթևեկելի գոտուց և վթարի ենթարկվել: Երկու ուղևորները մարմնական վնասվածքներով տեղափոխվել են հիվանդանոց:

Բոլոր դեպքերով կատարվում են քննություններ:

--00—ՍԳ