Եվրոպան կորցնում է իր դերը, ԵՄ-ն միջազգային հարաբերություններում օբյեկտի է վերածվում

ԵՐԵՎԱՆ,  ՀՈՒՆՎԱՐԻ 19,  24 News

Ստեփան Դանիելյան

Երկրորդ աշխարհամարտի ժամանակ, երբ Ստալինին հայտնում են, որ Հռոմի պապը աջակցում է դաշնակիցներին, հարցնում է, թե քանի դիվիզիա ունի Հռոմի պապը։ Այս մասին ֆեյսբուքյան իր էջում գրել է քաղաքագետ Ստեփան Դանիելյանը:

Նա, մասնավորապես գրել է. «Հիմա միջազգային հարաբերություններում անկեղծության պահն է։ Եվրոպան կորցնում է իր դերը միջազգային հարաբերություններում, կամ ավելի ճիշտ՝ ԵՄ-ն միջազգայն հարաբերություններում օբյեկտի է վերածվում, բայց դեռևս հարուստ ու բարեկեցիկ, բայց այնուամենայնիվ՝ օբյեկտի։

Եվրամիության երազանքով տառապողները, որոնք նույնպես ցանկանում էին լինել հարուստ ու բարեկեցիկ (ամբողջովին հասկանալի երազանք), սկսում են ընկալել (դեռևս դժվարությամբ), որ առանց դիվիզիաների, ապագան մշուշոտ է։ Դրա մասին հարցրեք ԵՄ-ի ղեկավար կազմին, թե ինչպես էր Էրդողանն իրենց ստորացնում Ստամբուլում, անգամ բանակցությունների ժամանակ աթոռ չէր տալիս նստելու համար՝ ու կուլ են տալիս․․․։

Աշխարհը փոխվում է՝ միաբևեռից դեպի բազմաբևեռի։ Եվրոպական ուտոպիան, որը կյանքի էր կոչվել, այսօր անպաշտպան է՝ Ուկրաինան վկա։

--00—ՄՀ