Իրանը դադարեցրել է Թուրքիայի հետ ցամաքային հաղորդակցությունը

ԵՐԵՎԱՆ,  ԴԵԿՏԵՄԲԵՐԻ 27,  24 News

իրան

Իրանի կառավարությունը, հաշվի առնելով Կորոնավիրուս Covid-19-ի Omicron շտամով պայմանավորված իրադրությունը, որոշում է կայացրել դադարեցնել ցամաքային հաղորդակցությունը Թուրքիայի հետ: Այս մասին գրել է Ermenihaber.am-ը։

Այսպիսով՝ անորոշ ժամանակով դադարեցվել է երկու երկրների միջև ավտոճանապարհային կապը:

Այս մասին հայտարարել է Իրանի պետական ​​հեռուստատեսությունը:

Ըստ որոշման՝ Իրանի սահմանները 15 օրով փակ կլինեն նաև Անգլիայից, Ֆրանսիայից, Դանիայից, Նորվեգիայից ժամանող այցելուների համար։ Իրանը նաև երկարաձգել է Հարավային Աֆրիկայի և հարևան երկրներից ժամանողների նկատմամբ կիրառվող արգելքը:

Հիշեցնենք, որ շուրջ 131.000 մարդ Իրանում մահացել է Covid-19-ի պատճառով։

--00—ՄՀ