ԵՐԵՎԱՆ, ԴԵԿՏԵՄԲԵՐԻ 2, 24News
ԵԱՀԿ անդամ երկրների ԱԳ նախարարների հանդիպման ժամանակ Վրաստանի ԱԳ նախարար Դավիդ Զալկալիանին պատրաստակամություն է հայտնել՝ Ադրբեջանի և Հայաստանի հետ եռակողմ երկխոսության հարթակ դառնալու համար, գրում է regnum.ru-ն։
Նա նշել է, որ համաշխարհային հանրությունը շահագրգռված է Անդրկովկասում երկարաժամկետ խաղաղության հաստատմամբ։
«Այս առումով մենք նոր նախաձեռնություն ենք ներկայացրել, որպեսզի գործենք որպես եռակողմ բանակցային հարթակ, որում Հայաստանը, Ադրբեջանը և Վրաստանը կկարողանան քննարկել արդիական հարցերն ու տարբեր մակարդակով հանդիպումներ անցկացնել»,- ասել է Դավիդ Զալկալիանին:
Ինչպես հաղորդում է REGNUM-ը, 2020 թվականի սեպտեմբերի 27-ին Լեռնային Ղարաբաղում մարտեր են սկսվել։ Նույն թվականի նոյեմբերի 9-ին Ռուսաստանի, Հայաստանի և Ադրբեջանի ղեկավարներ Վլադիմիր Պուտինի, Նիկոլ Փաշինյանի և Իլհամ Ալիևի միջև ստորագրվեց հրադադարի պայմանագիր։ Նոյեմբերի 10-ին տարածաշրջան են ժամանել առաջին ռուս խաղաղապահները։ Բաքուն և Երևանը բազմիցս նշել են Մոսկվայի կարևոր դերը հակամարտության կարգավորման գործում։
Հատվածը կարող եք դիտել 2։25։13-րդ րոպեից։
--00—ԼՄ