ՊՆ-ում անցկացվել են վերապատրաստման դասընթացներ

ԵՐԵՎԱՆ, ՆՈՅԵՄԲԵՐԻ 2, 24News

դաս

Հոկտեմբերի 26-ից 29-ը Երևանում և Դիլիջանում ՀՀ ՊՆ մարդու իրավունքների և բարեվարքության կազմակերպման կենտրոնի և Եվրոպայի խորհրդի երևանյան գրասենյակի նախաձեռնությամբ ՊՆ ռազմական ոստիկանության տարածքային բաժինների և բաժանմունքերի անձնակազմի համար անցկացվել են «Կյանքի իրավունք» և «Զինված ուժերի համատեքստում խոշտանգումների, վատ վերաբերմունքի և մահվան դեպքերի արդյունավետ քննության թեմաներով» վերապատրաստման դասընթացներ։ Այս մասին հայտնում են ՀՀ ՊՆ-ից:

 

Դասընթացները կազմակերպվել են Եվրոպայի խորհրդի կողմից՝ Եվրոպայի խորհրդի Հայաստանի համար գործողությունների 2019-2022թթ. ծրագրի շրջանակում։ Մասնակիցներն ուսումնասիրել են զինված ուժերում մարդու իրավունքների պաշտպանությանն առնչվող հարցեր:

--00--ԱԹ