Մանկական քաղաք թաղամասում կանխվել է համայնքային հողազավթման փորձը

ԵՐԵՎԱՆ,  ՀՈԿՏԵՄԲԵՐԻ 26,  24 News

շին

Արաբկիր վարչական շրջանի ղեկավարի աշխատակազմի աշխատակիցների ջանքերով Շրջանցիկ թունելի Մանկական քաղաք թաղամասում կանխվել է համայնքային հողազավթման և ապօրինի շինարարության հերթական փորձը։ Այս մասին ասվում է Երևանի քաղաքապետարանի ֆեյսբուքյան գրառման մեջ։ 

«Հարգելի' քաղաքացիներ, Արաբկիր վարչական շրջանի ղեկավարի աշխատակազմը բազմիցս հորդորել է զերծ մնալ համայնքային հողի յուրացման կամ ապօրինի շինարարություն իրականացնելու գործընթացներից։

Առանց օրինական հիմքի կառուցված շինություններն այլընտրանք չունեն և ենթակա են ապամոնտաժման։

Տհաճ իրավիճակներից խուսափելու համար ևս մեկ անգամ հորդորում ենք շինարարություն սկսելուց առաջ խորհրդակցել վարչական շրջանի քաղաքաշինության և հողօգտագործման բաժնի մասնագետների հետ։ Ձեզ կտրամադրվի անվճար խորհրդատվություն։

011518233, 011518234»

--00—ՄՀ