Մոսկվայում տարեցների և քրոնիկ հիվանդների համար տնային ռեժիմ է սկսել գործել

ԵՐԵՎԱՆ,  ՀՈԿՏԵՄԲԵՐԻ 25,  24 News

կորոնավիրուս

Հոկտեմբերի 25-ին Մոսկվայում սկսել Է տնային ռեժիմ գործել տարեց և քրոնիկ հիվանդ բնակիչների համար, այն հայտարարվել Է COVID-19-ի հետ կապված իրադրության բարդացման պատճառով։

Տնային ռեժիմ սահմանելու վերաբերյալ հրամանագիրը Մոսկվայի քաղաքագլուխ Սերգեյ Սոբյանինն ստորագրել Է հոկտեմբերի 19-ին:

Փաստաթղթի համաձայն, չորս ամիս, 2021 թվականի հոկտեմբերի 25-ից մինչև 2022 թվականի փետրվարի 25-ը, հրահանգվել Է 60-ից բարձր տարիքի մարդկանց և քրոնիկ հիվանդություններ ունեցողներին չհեռանալ բնակության վայրերից: Աշխատողները կկարողանան հիվանդության թերթիկ ձևակերպել:

Դրա հետ մեկտեղ թարմ օդում զբոսանքները և ֆիզկուլտուրայի պարապմունքները բնակչության այս կատեգորիայի համար չեն սահմանափակվում: Բացի այդ, հիշյալ քաղաքացիները կկարողանան բուժօգնության դիմել, այցելել խանութներ և զբոսնել ընտանի կենդանիների հետ:

Այդ սահմանափակումը չի տարածվում այն մոսկվացիների վրա, որոնք վերջին վեց ամիսներին հիվանդացել են COVID-19-ով, ինչպես նաև նրանց վրա, ովքեր ստացել են կորոնավիրուսի դեմ պատվաստման լրիվ կուրսը: Մոսկվայում COVID-19-ի հետ կապված իրադրությունը բարդացել Է աշնանը:

Հոկտեմբերի երկրորդ կեսին հիվանդացությունը հասել Է համավարակի ողջ ժամանակաշրջանում ամենաբարձր ցուցանիշին: Դրա հետ կապված քաղաքային իշխանությունները մի շարք լրացուցիչ սահմանափակումներ են մտցրել։

  --00—ՄՀ