ԵՐԵՎԱՆ, ՀՈԿՏԵՄԲԵՐԻ 19, 24 News
Հոկտեմբերի 11-ին «Ճանապարհորդում եմ առանց Covid-19» հավելվածից օգտվողների թիվը գերազանցել է մեկ միլիոնը: Այս մասին այսօր հայտարարել է Եվրասիական զարգացման բանկի փոխնախագահ, ՀՀ նախկին վարչապետ Տիգրան Սարգսյանը:
«Մեզ համար անսպասելի էր օգտատերերի թվի նման կտրուկ աճը, մենք սկսել ենք շատ համեստ թվերից, առաջին ամսվա ընթացքում օգտատերերի թիվն ավելացել է 30 000-ով, իսկ սեպտեմբերին ԵԱՏՄ 100 000 քաղաքացիներ են ներբեռնել մեր հավելվածը, դարձել օգտատեր»,- ասել է նա:
Սարգսյանը կարևորել է, որ մեկ միլիոն քաղաքացիներ այս հավելվածից օգտվում են ոչ թե մեկ, այլ բազմակի անգամներ:
«Մեր հավելվածից օգտվում են արդեն ոչ միայն ԵԱՏՄ, այլև ԱՊՀ անդամ երկրները՝ Տաջիկստանը, Ուզբեկստանը, Ադրբեջանն ու Մոլդովան: Սա նշանակում է՝ այդ երկրներն իրենց քաղաքացիներին հնարավորություն են տալիս օգտվել այս հարմար, պարզ, արդյունավետ միջոցից, որը սահմանը հատելու հնարավորություն է տալիս»,- ասել է նա:
Սարգսյանը հայտնել է, որ ընդլայնվում են նաև մատուցվող ծառայությունները: Նրա խոսքով՝ արդեն հնարավորություն կա օգտատերերի պատվաստված լինելու մասին տեղեկություններ հաղորդել: Այս ծառայությունը հասանելի է ՌԴ, Ոզւզբեկստանին, Ղրղզստանին ու Հայաստանին:
Մանրամասները՝ տեսանյութում:
--00--ԱԹ