Սուրեն Պապիկյանը Մոսկվայում կմասնակցի «Ռուսական էներգետիկական շաբաթ» համաժողովին

ԵՐԵՎԱՆ, ՀՈԿՏԵՄԲԵՐԻ 11, 24News

Տնտեսական

Փոխվարչապետ Սուրեն Պապիկյանը հոկտեմբերի 13-15-ը կգործուղվի Ռուսաստանի Դաշնություն։

Հայաստանի փոխվարչապետը կմասնակցի «Ռուսական էներգետիկական շաբաթ» միջազգային համաժողովին։

Պապիկյանի հետ միասին՝ ՌԴ կմեկնեն Հայաստանի Հանրապետության տարածքային կառավարման և ենթակառուցվածքների նախարարության էներգետիկայի վարչության պետ Տիգրան Մելքոնյանը և Հայաստանի Հանրապետության վարչապետի աշխատակազմի արարողակարգի բաժնի խորհրդական՝ կառուցվածքային ստորաբաժանումներում առանձին գործառույթներ համակարգող Էդմոնդ Դավթյանը։

Սուրեն Պապիկյանը գործուղումից վերադառնալուց հետո եռօրյա ժամկետում Հայաստանի Հանրապետության վարչապետին կներկայացնի Ռուսաստանի Դաշնություն գործուղման արդյունքների մասին հաշվետվությունը: 

--0--ԿԿ