ԵՐԵՎԱՆ, ՕԳՈՍՏՈՍԻ 22, 24News
Օգոստոսի 22-ին, ժամը 20։23-ին Լոռու մարզային ճգնաժամային կառավարման կենտրոն ահազանգ է ստացվել, որ Արեւաշող գյուղում այրվում է բնակելի տուն:
Ինչպես տեղեկանում ենք ԱԻՆ-ից, դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Հայտարարվել է հրդեհի բարդության Թիվ 2 կանչ․ դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից եւս երկու մարտական հաշվարկ։
Ըստ նախնական տվյալների այրվում է երկհարկանի տան տանիք (մոտ 250-300 քմ)։
Հրդեհը մեկուսացվել է ժամը 21։00-ին։
--00--ԱՀ