Դարձյալ փնտրվում է Վարդան Ղուկասյանի որդին․ նոր միջադեպ է տեղի ունեցել․ Aravot

ԵՐԵՎԱՆ, ՕԳՈՍՏՈՍԻ 19, 24News

ղուկասյան
Aravot.am-ի տեղեկություններով, նախորդ օրը միջադեպ է տեղի ունեցել Գյումրու նախկին քաղաքապետ Վարդան Ղուկասյանի ու նրա որդու մասնակցությամբ։ Այս անգամ միջադեպը կապված է ծառայողական պարտականությունները կատարող ոստիկանության տեսուչներից մեկին  սպառնալու հետ։

Ըստ, ոստիկանությունում նախապատրաստված նյութերի, միջադեպին մասնակցություն է ունեցել նաև Գյումրու նախկին քաղաքապետ Վարդան Ղուկասյանը, որը նախորդ օրը՝ երեկոյան ժամը 23.00-23.15-ի սահմաններում, 3-4 տղամարդու հետ այցելել է Գյումրու Հակոբյան փողոցի տներից մեկը, թակել է տան դարպասը, ներս մտել բակ ու հրելով թոշակառու տանտիրուհուն, ասել՝ «էս տանը մի հատ «մուսր» տեսուչ կա ապրող, ով իմ վրայով բան է գրել, պիտի տեսնեմ իրեն»։

Ոստիկաններն այս միջադեպի հետքերով՝ դիմումի հիման վրա, օգոստոսի 18-ին ժամը 00.35-ին այցելել են Գյումրի քաղաքի նախկին քաղաքապետ Վարդան Ղուկասյանի տուն, որպեսզի պարզաբանումներ կատարեն։ Սակայն Վարդան Ղուկասյանի որդին՝ Սպարտակ  Ղուկասյանը, տան  2-րդ հարկի պատուհանից պատասխանել է, որ չի ցանկանում դուռը բացել, քանի որ ուշ ժամ է։

Նույն օրը ժամը 12.59-ին Ղուկասյանների տուն այցելած տեսուչին է զանգահարել Սպարտակ Ղուկասյանը ու ագրեսիվ տոնով նրան  մեղադրել է իրենց տուն այցելության համար և հնչեցրել է սպանության սպառնալիք:

ՀՀ քննչական կոմիտեն ներկայացնում է Վարդան Ղուկասյանին առաջադրված մեղադրանքի մանրամասներ «Եթե նման բան լիներ, Սերժ Սարգսյանն ու Ռոբերտ Քոչարյանն ինձանից քարը քարին չէին թողնի»․ Անդրանիկ Քոչարյան Փաստի առթիվ Շիրակի մարզի քննչական վարչությունում հարուցվել է քրեական գործ՝ ՀՀ քր.օր. 316 հոդվածի 1-ին մասի հատկանիշներով՝ իշխանության ներկայացուցչի նկատմամբ բռնություն գործադրելը։ Ձեռնարկվում են միջոցառումներ Սպարտակ Ղուկասյանին հայտնաբերելու ուղղությամբ:
 

--00—ՄՀ