ԵՐԵՎԱՆ, ՕԳՈՍՏՈՍԻ 12, 24News
Առաջատար համալսարաններում ուսանելու եւ աշխատելու իմ փորձը, որը հասկանալի բարդույթների ուժով ոմանց հանգիստ չի տալիս, ի թիվս օվկիանոսներից այս եւ այն կողմ հարազատ դարձած բազմաթիվ հասցեների, ինձ է պարգեւել նաեւ անանց կապ պատմությամբ լեցուն Սանկտ Պետերբուրգի հետ: Այս մասին ֆեյսբուքյան իր էջում գրել է Պաշտպանության նախկին նախարար Վիգեն Սարգսյանը։
Նա, մասնավորապես, նշել է.
«Առաջատար համալսարաններում ուսանելու եւ աշխատելու իմ փորձն, որը հասկանալի բարդույթների ուժով ոմանց հանգիստ չի տալիս, ի թիվս օվկիանոսներից այս եւ այն կողմ հարազատ դարձած բազմաթիվ հասցեների, ինձ է պարգեւել նաեւ անանց կապ պատմությամբ լեցուն Սանկտ Պետերբուրգի հետ:
Ամառային այգում զբոսնելիս` միշտ կանգ եմ առել մեծ առակագիր Կռիլովի հուշարձանի մոտ (1855թ.): Դասականը շրջապատված է սերունդներ դաստիարակած իր հերոսներով: Այստեղ են եւ՛ անկախ նստելակարգից նվագել չկարողացող ավանակն ու կապիկը («а вы, друзья, как не садитесь, все в музыканты не годитесь»), եւ՛ արծվի կողմից սոխակ հռչակված կկուն («кукушку соловьем честить я мог заставить, но сделать соловьем кукушку я не мог»), եւ՛, իհարկե, փղի վրա հաչացող բոլորին հայտնի Մոսկան («Эх, Моська, знать она сильна, коль лает на слона...»):
«Առանց մտածելու սովորելն անօգուտ է, իսկ առանց սովորելու մտածելը` վտանգավոր» (Կոնֆուցիոս, 5րդ դար ք.ա.): Գոնե մի փոքր սովորե՛ք, կարդացե՛ք, նոր փորձեք մտածել, առավել եւս` խելացի մտքեր արտաբերել: Զբաղվում եմ տեղեկատվական տեխնոլոգիաներով եւ ինքս ինձ մտածում` արդյո՞ք ճիշտ եք հաշվարկել եւ իրո՞ք ձեր շահերից է բխում քաղաքական բանավեճի մեջ ինձ ներքաշելը: Հինգ անգամ կրկնված անհեթեթությունը չլսելու տվեցի, բայց Ամերիկայում ասում են` Beware of your wishes, they might come true…. Ինչպես Իգիթյանն ասաց Գորբաչովին. «Ձեր օգնականին խնդրե՛ք, կթարգմանի»:
Շնորհակալ եմ Գեղամ Մանուկյան, Արամ Վարդևանյան, Հայկ Մամիջյան: Ձեր ընկերական վերաբերմունքն ու համատեղ անցած ճանապարհն արժեւորելը չափազանց պարտավորեցնող են ինձ համար»։
--00—ՄՀ