ԱԱԾ-ն ու ՀՔԾ-ն քննում են Նաիրի Հոխիկյանի հայտարարությունները. Գոռ Աբրահամյան

ԵՐԵՎԱՆ, ՀՈՒԼԻՍԻ 19, 24News

Հասարակական

Լրագրող Նաիրի Հոխիկյանի կողմից օրեր առաջ արված հայտարարությունները՝ արցախյան 44-օրյա պատերազմի վերաբերյալ, քննվում են ՀՔԾ-ում և ԱԱԾ-ում: Այս մասին 24News-ի հետ զրույցում ասաց ՀՀ գլխավոր դատախազի խորհրդական Գոռ Աբրահամյանը: 

«Նաիրի Հոխիկյանի հրապարակած ձայնագրության հիմնական մասն ուղարկվել է ՀՔԾ՝ այնտեղ քննվող ԶՈՒ ԳՇ նախկին պետ Մովսես Հակոբյանի վերաբերյալ քրեական գործի շրջանակներում քննության առարկա դարձնելու համար։ Իսկ Շուշիի գրավման մասին հատվածն ուղարկվել է ԱԱԾ՝ այնտեղ քննվող քրեական գործի շրջանակներում ուսումնասիրելու համար»: 

Հիշեցնենք, որ Նաիրի Հոխիկյանն օրեր առաջ անդրադարձել էր 2019 թ.-ին իր և ՀՀ վարչապետ Նիկոլ Փաշինյանի զրույցին, ինչպես նաև վարչապետի խոսնակ Վլադիմիր Կարապետյանի ու բլոգեր Ալեքսանդր Լապշինի խոսակցությանը՝ Արցախի շրջանների և Շուշիի հանձնման մասին:

--00--ԿԿ