Մառախուղի պատճառով կորած 2 զինծառայողի որոնողական աշխատանքները շարունակվում են. ՊՆ

ԵՐԵՎԱՆ, ՀՈՒԼԻՍԻ 15, 24News

Հասարակական

Հայաստանի հարավ-արևելյան ուղղությամբ տեղակայված ՀՀ ԶՈՒ N զորամասի զինծառայող Արթուր Նալբանդյանի և վարորդ Արամայիս Տոռոզյանի որոնողական աշխատանքները շարունակվում են։ Այս մասին լրատվամիջոցներին հայտնեցին ՀՀ պաշտպանության նախարարությունից։

ՊՆ-ից հայտնում են նաև, որ մառախուղի պատճառով որոնողական աշխատանքները դժվարանում են։

Հիշեցնենք, որ մառախուղի պատճառով հուլիսի 14-ից կորել է կապը երկու զինծառայողների հետ։

Ռուսական կողմի միջնորդությամբ, Ադրբեջանի ԶՈՒ ներկայացուցիչների հետ քննարկվում է երկու զինառայողների՝ ադրբեջանական տարածքում հայտնվելու հավանականությունը։

Պն-ից տեղեկացրել են, որ Արթուր Նալբանդյանն ու Արամայիս Տոռոզյանը եղել են առանց զենքի։

--00--ԿԿ