Դատախազությունը ԿԸՀ է դիմել Առուշ Առուշանյանին կալանավորելու թույլտվություն ստանալու համար

ԵՐԵՎԱՆ, ՀՈՒԼԻՍԻ 14, 24News

Հասարակական

Դատախազությունը դիմել է ԿԸՀ-ին՝ Գորիսի համայնքապետ Առուշ Առուշանյանի նկատմամբ քրեական հետապնդում հարուցելու և կալանավորումը որպես խափանման միջոց ընտրելու մասին համաձայնություն ստանալու միջնորդությամբ: Այս մասին լրատվամիջոցներին հայտնեցին ՀՀ գլխավոր դատախազությունից։

Նախօրեին նման միջնորդություն էր ներկայացվել Սիսիանի համայնքապետ Արթուր Սարգսյանի վերաբերյալ:

Նշենք, որ այս պահին կալանավորված են Սյունիքի 4 համայնքապետերը` Մեղրի համայնքի ղեկավար Մխիթար Զաքարյանը, Քաջարանի քաղաքապետ Մանվել Փարամազյանը, Որոտան համայնքի համայնքապետ Սուրեն Օհանջանյանը և Քարահունջի ղեկավար Լուսինե Ավետյանը։

--00--ԿԿ