«Պատիվ ունեմ» դաշինքը հասնելու է արցախյան հարցի հայանպաստ կարգավորմանը. Արթուր Վանեցյան

ԵՐԵՎԱՆ, ՀՈՒՆԻՍԻ 13, 24News

Վանեցյան

Արցախյան հարցի հիմքում առկա հիմնական սկզբունքները պետք է պահպանվեն: Հունիսի 20-ից հետո, երբ մենք լինենք իշխանություն՝արցախյան հարցը լինելու է մեր առաջնահերթությունն ու մենք կարողանալու ենք դիվանագիտական ճանապարհով հասնել արցախյան հարցի կարգավորմանը:

Այդ մասին Armnews-ի եթերում հայտարարել է «Պատիվ ունեմ» դաշինքի վարչապետի թեկնածու, «Հայրենիք» կուսակցության նախագահ Արթուր Վանեցյանը:

Նա նշել է, որ «Պատիվ ունեմ» դաշինքը հասնելու է արցախյան հարցի հայանպաստ կարգավորմանը:

Ըստ նրա, կապիտուլյանտ իշխանություններն իրենց բոլոր քայլերով փորձում են մոռացության տալ արցախյան հարցը:

«Կապիտուլյանտ իշխանությունները փորձում են ասել, որ արցախյան հարցը կարգավորված է և որևէ անելիք այլևս չկա»,- նշել է Վանեցյանը:

Վանեցյանի խոսքով, նոյեմբերի 9-ի հայտարարությունն ոչ թե արցախյան հարցի կարգավորման, այլ ընդամենը զինադադարի մասին էր:

--00--ԱԹ

Տեսանյութեր

Live

Լրահոս