«Բրոնյա» անելով Հանրապետության հրապարակը՝ Նիկոլը նախապատրաստում է նոր մարտի մեկ. Զոհրաբյան

ԵՐԵՎԱՆ, ՀՈՒՆԻՍԻ 12, 24News

Նաիրա Զոհրաբյան

Նիկոլը պատրաստվում է քաղաքացիական բախումների, ֆեյսբուքյան էջում գրել է ԱԺ պատգամավոր Նաիրա Զոհրաբյանը՝ անդրադառնալով հունիսի 21-ին հրավիրված հանրահավաքին:

«Հունիսի 4-ին ՀՀ քաղաքացիներ Արմեն Խոջոյանի և Վահագն Հովակիմյանի («Իմ քայլը» խմբակցության պատգամավոր) կողմից քաղաքապետարանին ներկայացվել է իրազեկում՝ հունիսի 21-ից 24-ը՝ ժ.10.00-22.00-ն, Հանրապետության հրապարակում հավաքներ անցկացնելու վերաբերյալ։

Հովակիմյանի իրազեկման համաձայն՝ հավաքն անցկացվելու է ԱԺ արտահերթ ընտրությունների արդյունքների հանրային ամփոփման համար։ Նշվում է, որ հանրահավաքին մասնակցելու է 200 000 մարդ, օգտագործվելու են պաստառներ, բարձրախոսներ, նախատեսվում է ունենալ 100 կարգադրիչներ։

Երևանի քաղաքապետի լիազոր ներկայացուցչի 09.06.2021 թվականի որոշմամբ ի գիտություն են ընդունվել միայն Հանրապետության հրապարակում անցկացվելիք հավաքները։

Այսպիսով, «բրոնյա» անելով Հանրապետության հրապարակը, Նիկոլը նախապատրաստում է նոր մարտի մեկ։ Քարոզարշավի 6-րդ օրն արդեն ակնհայտ է, որ Նիկոլնը որեւէ լեգիտիմ տարբերակ չունի վերընտրվելու, ուստի իր ագրեսիվ փոքրամասնությանը սնելով բռնության եւ ատելության դոզայով, կոչ անելով ընտրության օրը ընտրատեղամասերում հաշվեհարդարների, Նիկոլը հունիսի 21-ին նախապատրաստում է երկրորդ մարտի 1», - գրել է Զոհրաբյանը:

--00--ԱՀ

Տեսանյութեր

Live

Լրահոս