Երևանում բացվել է Արցախյան 44-օրյա պատերազմի հերոս Աժդահակ Կիրակոսյանին նվիրված խաչքարը

ԵՐԵՎԱՆ, ՄԱՅԻՍԻ 9, 24News

հասարակական

Երևանում մայիսի 9-ին բացվել է Արցախյան 44-օրյա պատերազմի հերոս Աժդահակ Կիրակոսյանին նվիրված խաչքար-հուշարձանը։ Այս մասին հաղորդագրություն է տարածել «Լուսավոր Հայաստան» կուսակցության լրատվական ծառայությունը։

Հերոսի հիշատակին նվիրված հուշակոթողի բացման արարողությանը մասնակցել են նաև կուսակցության պատգամավորներն ու կուսակցության Երևանի խորհրդի անդամները։

Աժդահակ Կիրակոսյանը (1997թ․) Երևանի Պետական Մանկավարժական Համալսարանի գեղարվեստական կրթության ֆակուլտետի ուսանող էր։ Ընդգրկվել է Շուշին պաշտպանելու համար ձևավորված արագ արձագանքման 23 հոգանոց դասակի կազմում։ 

Նոյեմբերի 3-ին, հայտնվելով շրջափակման մեջ և ստանալով վիրավորում, չի ենթարկվել նահանջելու հրամանին և վիրավոր հրամանատարի հետ հերոսաբար զոհվել է Շուշիի մատույցներում։