ԵՐԵՎԱՆ, ՄԱՅԻՍԻ 3, 24News
Մայիսի 1-ին ոստիկանության Մասիսի բաժին հիվանդանոցից հաղորդում ստացվեց, որ նստամկանի կտրած-ծակած վերքերով 23-ամյա երիտասարդ է բուժօգնության տեղափոխվել:
Հիվանդանոց մեկնած օպերատիվ խումբը պարզեց՝ երբ և որտեղից էր տեղափոխվել երիտասարդը: Ըստ նախնական տվյալների՝ Նոր Խարբերդ գյուղում նրան դանակահարել էին:
Բացահայտման ուղղությամբ ձեռնարկված անհրաժեշտ միջոցառումներով քրեական հետախույզները տեղեկություններ ստացան, որ գյուղի դաշտում, անասնապահության շուրջ ծագած վեճի ժամանակ, տուժողին դանակահարել էր 30-ամյա համագյուղացին։ Նա բերման ենթարկվեց ոստիկանության Մասիսի բաժին, տվեց խոստովանական բացատրություն և ներկայացրեց դանակը։
Փաստի առթիվ նախապատրաստվում են նյութեր։
--0--ԿԿ