Չեմ բացառում, որ գերիների ծնողներին կասեն՝ եթե մեզ չընտրեք, ձեր երեխաները չեն գալու

ԵՐԵՎԱՆ, ԱՊՐԻԼԻ 12, 24News

Ազգային ժողովի պատգամավոր Սոֆյա Հովսեփյանի համար մինչև այժմ էլ անհասկանալի է՝ իշխանության տարբեր ներկայացուցիչներ ինչպե՞ս կամ որտեղի՞ց էին տեղեկացել, թե ապրիլի 10-ին ռազմագերիների նոր խումբ է գալու Հայաստան:

24News-ի հետ զրույցում նշեց՝ նման խոսակցություններ իրեն էլ են հասել, բայց կարողացել է ճշտել՝ գերիների վերադարձի մասին դեռևս խոսք չկա: «ԱԳՆ-ն, ԱԱԾ-ն, ՄԻՊ-ը գերիների վերադարձի մասին տեղեկություն չունեին, պատգամավորին որտեղի՞ց նման լուր»,- հռետորական հարց տվեց նա:

Ըստ Հովսեփյանի՝ իշխանությունները գերիների թեմայով դիվիդենտներ են ուզում շահել, պատեհ-անպատեհ առիթներով գերիների անուններն են շահարկում: «Գերիներին հետ բերելը պետության պարտավորությունն է, ու չեմ բացառում, որ գերիների ծնողներին կասեն՝ եթե մեզ չընտրեք, ձեր երեխաները չեն գալու»,- հավելեց Հովսեփյանը:

Մանրամասները՝ տեսանյութում։

--0--ԿԿ