Ձեզ կարգի՛ն պահեք, հնին սովոր թայֆաները ընտրարշավը մրոտելու են․ Վիգեն Խաչատրյան

ԵՐԵՎԱՆ, ՄԱՐՏԻ 19, 24News

Հնին սովոր թայֆաները, մաֆիաներն ամեն ինչ կանեն ժողովրդի ձայնը նսեմացնելու համար։ Նրանք փորձելու են մրոտել ընտրությունները։ Այս կարծիքին է Գերագույն խորհրդի նախկին պատգամավոր Վիգեն Խաչատրյանը։

Նա վստահ է, որ իշխանությունն ընտրություն կեղծելու ցանկություն և կարիք չունի։

«Ընտրություններից հետո, եթե հաջող անցնեն, եթե չհաջողվի մրոտել, չհաջողվի ամեն տեղամասում արյուն թափել, դեբոշներ սարքել, դրսից թելադրված հանձնարարությունը կմնա՝ խարխլե՛ք իշխանությունը, թուլացրե՛ք պետությունը։ Այստեղ նոր իշխանությունը հստակ պետք է ժողովրդի մանդատով կիրառի ուժ, և բոլոր փողոցային վարքագիծ դրսևորող քաղաքական կատարածուներին կարգի հրավիրի։ Այստեղ քաղաքական պայքար չկա։ Կա օտարի հանձնարարություն՝ ստեղծել կառավարման քաոս»,- կարծում է նա։

Ըստ Խաչատրյանի՝ ոչ մեկն իշխանությունից լավ ընտրություն չի կարող կազմակերպել։

«Ձեզ կարգին պահեք։ Եթե ընտրարշավի ժամանակ խանգարողներ լինեն, ոստիկանությունն անմիջապես պետք է չեզոքացնի նրանց։ Մտքներովդ չանցնի։ Ցանկացած օրինախախտում խստագույնս պատժվի»,- նկատել է նա։

Շարունակությունը՝ տեսանյութում։