Պետությունը վերջնական տապալելու ամենակարճ ճանապարհը զինված ուժերի կազմաքանդումն է

ԵՐԵՎԱՆ, ՄԱՐՏԻ 16, 24News   

Տիգրան Աբրահամյան

Պաշտպանության նախարարությունն այդպես էլ չարձագանքեց 2 օր առաջ Կապանի մարտական դիրքերից մեկից հրապարակված աղմկահարույց տեսանյութին դրա շուրջը ստեղծված իրավիճակին։ Այս մասին ֆեյսբուքյան իր էջում գրել է «Հենակետ» վերլուծական կենտրոնի ղեկավար Տիգրան Աբրահամյանը:

«Այն ինչ արեց ՊՆ-ն, իշխանությունը նույն դիրքում «տեսանյութ 2»-ի անհաջող բեմադրությունն էր՝ «հերքումը», ինչն ավելի խորացրեց բանակում և բանակի շուրջ ստեղծված իրադրության վերաբերյալ հանրային և մասնագիտական շրջանակների մտահոգությունները։

Այս ամենն, իհարկե, իշխանությանը չի հետաքրքրում, ավելին՝ իրենք խրախուսում են նմանատիպ իրադարձությունները։

Պետությունը վերջնական տապալելու ամենակարճ ճանապարհը զինված ուժերի կազմաքանդումն է և իշխանությունը հետևողականորեն գնում է այդ ճանապարհով։

Չեմ էլ ուզում պատկերացնել, թե ինչ կլիներ, եթե սյունեցիները ժամանակին չհամախմբվեին, իրենց վրա չվերցնեին Սյունիքի պաշտպանությունը՝ մարտական հերթապահությունից մինչև ամրաշինական աշխատանքներ։

Դա անշուշտ իշխանության հաշվարկի մեջ չէր մտնում և այդ պատճառով էլ դրան հետևեց սյունեցիներին «պատժելու» տարբեր գործընթացներ՝ քրեական գործերից մինչև անտարբերություն դրսևորում։

Մեկ է՝ չե՛ք հաջողելու, տապալվելու եք ու դա շատ ցավոտ է լինելու»,- գրել է նա։

--00—ՄՀ