Սիսիան-Գորիս-Կապան ճանապարհին մառախուղ է, Լոռիում, Շիրակի որոշ գյուղերում ձյուն է տեղում

ԵՐԵՎԱՆ, ՄԱՐՏԻ 8, 24News

1
Արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։

Փակ են Վարդենյաց լեռնանցքը (կցորդիչով բեռնատարների համար), Բերդ-Ճամբարակ, Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները:

Լոռու մարզում և Շիրակի մարզի Աշոցք, Ամասիա գյուղերում տեղում է ձյուն։

Սիսիան-«Զանգեր» հատվածում տեղ-տեղ առկա է մերկասառույց։

Սիսիան-Գորիս-Կապան ավտոճանապարհին մառախուղ է։

--00—ԼՄ