ԵՐԵՎԱՆ, ՄԱՐՏԻ 1, 24News
Մարտի մեկը քաղաքացիական պաշտպանության միջազգային օրն է: Այս օրը նշում են որպես ՔՊ ուժերի և միջոցառումների մասին գիտելիքների տարածման և քարոզչության օր:
Օրվան նվիրված մջոցառումների շրջանակում, այսօր ԱԻ պետական ծառայության տնօրեն գնդապետ ՄեխակԱրզումանյանը ծառայության ՔՊ շտաբի անձնակազմի ուղեկցությամբ այցելել է Ստեփանակերտի հանրակրթական դպրոցներ և անցկացրել «Դպրոցի անձնակազմի գործողություններն արտակարգ իրավիճակում», «Առանց խուճապի դպրոցից տարհանվելու և ապաստարաններում պատսպարվելու մասին» իրազեկման դասընթաց։
Միջոցառման նպատակն է կատարելագործել աշակերտների գործնական հմտություններն արտակարգ իրավիճակներում գործելու ժամանակ:
Աշակերտները նաև հետաքրքրվել են հետպատերազմյան շրջանում Արցախի փրկարարների կողմից կատարվող աշխատանքների, մասնավորապես զենք-զինամթերքի հայտնաբերման և վնասազերծման մասին։
Մեխակ Արզումանյանը N7 դպրոցին է փոխանցել նաև ՔՊ ոլորտին առնչվող աղետների ռիսկերի նվազեցման մասին մասնագիտական գրքեր ու բրոշուրներ։
--00—ՄՀ