ԵՐԵՎԱՆ, ՄԱՐՏԻ 1, 24News
Նախագահ Արմեն Սարգսյանին հրավիրել են Անվտանգության խորհրդի նիստին, սակայն նախագահը վատառողջ լինելու պատճառով չի մասնակցել այդ նիստին։ Այս մասին NEWS.am-ին հայտնել է Արմեն Սարգսյանի օգնական Հասմիկ Պետրոսյանը։
Հիշեցնենք՝ մարտի 1–ին վարչապետ Նիկոլ Փաշինյանի գլխավորությամբ տեղի է ունեցել Անվտանգության խորհրդի նիստ, որին չեն մասնակցել ՀՀ նախագահ Արմեն Սարգսյանն ու ՀՀ ԶՈՒ Գլխավոր շտաբի պետ Օնիկ Գասպարյանը։
Նախագահ Սարգսյանը Անվտանգության խորհրդի նիստերին, որպես կանոն, չպետք է մասնակցի, քանի որ խորհրդի կազմում չէ, այնուամենայնիվ, վերջին շրջանում նա մասնակցում է ԱԽ նիստերին։
Ինչ վերաբերում է Գլխավոր շտաբի պետ Օնիկ Գասպարյանին, ապա նա, ըստ վարչապետի մամուլի խոսնակ Մանե Գեւորգյանի, «տեղեկացված է եղել դրա անցկացման մասին»։
--00—ԼՄ