ԵՐԵՎԱՆ, ՓԵՏՐՎԱՐԻ 24, 24News
Արցախի ՊԲ նախկին խոսնակ Սենոր Հասրաթյանը ֆեյսբուքյան իր էջում անդրադարձել է վարչապետ Նիկոլ Փաշինյանի երեկվա հարցազրույցում հնչեցրած մտքին, որ «Իսկանդեր»-ը չի պայթել կամ պայթել է, օրինակ՝ 10 տոկոսով»:
«Վարչապետի աթոռն զբաղեցնողն ասում է.
-«Իսկանդեր»-ը չի պայթել կամ պայթել է, օրինակ՝ 10 տոկոսով:
Լրագրողի աթոռն զբաղեցնողը հետաքրքրվում է՝
-Այդպե՞ս էլ է լինում...
Վարչապետի աթոռն զբաղեցնողը պատասխանում է.
-Չգիտեմ:
Լրագրողի աթոռն զբաղեցնողը եզրափակում է՝
-Հետաքրքիր նորություն էր:
Տպավորություն է, որ վարչապետի և լրագրողի աթոռներն զբաղեցնող զրուցակիցները՝ չիմանալով, թե ինչի մասին են խոսում, այդուհանդերձ, իրենց պատկերացմամբ, հանրագումարում ունենում են «հետաքրքիր նորությունով» հագեցված «երկխոսություն...» Իսկ լսարանն ունենում է այն, ինչ ունի այսօր»,-գրել է Հասրաթյանը:
--0--ԿԿ