ԵՐԵՎԱՆ, ՓԵՏՐՎԱՐԻ 3, 24News
Ազգային ժողովի անկախ պատգամավոր Սոֆյա Հովսեփյանը պաշտպանության նախկին նախարար Դավիթ Տոնոյանի՝ «չհասցրեցինք անհպում պատերազմի պատրաստվել» արտահայտության վերաբերյալ հետևյալ հարցադրումն է արել. «Իսկ Տոնոյանն ի՞նչ է արել 2.5 տարում՝ անհպում պատերազմին պատրաստվելու համար։ Եղածից հետո «ցավոք» ասելը տեղին չէ»: 24News-ի հետ զրույցում նա նշել է, որ ինքը կարող է ապացուցել, որ 2.5 տարում հնարավոր էր պատրաստվել պատերազմի։
«Փոխանակ հասարակությանը համոզելու, թե 2.5 տարում հնարավոր չէր պատերազմի պատրաստվել, լավ է լռեն: Տոնոյանն ու մյուս պատասխանատուներն այժմ էժան կերպով արդարանում են: Երկուսուկես տարի ի՞նչ էին անում, ի՞նչ փոփոխություն էին անում բանակում: Ելակ էին տալիս, կարող էին նարինջ տալ, բայց ելակն ի՞նչ էր անում, կրակո՞ւմ էր, թե՞ կոփում էր զինվորին»,- նշել է նա:
Հովսեփյանն ասել է, թե հիմա է հասկանում՝ ինչու էին «Հայոց պատմություն» առարկայից ուզում հանել «հայրենիք» հասկացությունը: «Եթե իշխանության ներսում մարդիկ կան, որոնք ուզում են բարեկամություն անել Ադրբեջանի հետ, ապա Բաքուն իրենց սիրով կընդունի: Բայց թույլ չենք տա, որ ադրբեջանցու հետ համակեցություն քարոզեն ու պարտադրեն»,- ընդգծել է անկախ պատգամավորը:
Մանրամասները՝ տեսանյութում։
--0--ԿԿ