ԵՐԵՎԱՆ, ՀՈՒՆՎԱՐԻ 20, 24News
Հունվարի 19-ի որոնողական աշխատանքների արդյունքում Մեխակավանում (Ջաբրայիլ) հայտնաբերվել է 1 զիծառայողի աճյուն, որի մարմինն անճանաչելի է եղել, նշանակվել է դատաբժշկական փորձաքննություն: Այս մասին 24News-ին հայտնեց Արցախի արտակարգ իրավիճակների պետական ծառայության տեղեկատվության և հասարակայնության հետ կապերի բաժնի պետ Հունան Թադևոսյանը։
Որոնողական աշխատանքներն իրականացվել են 4 ուղղություններով՝ Հադրութ, Վարանդա (Ֆիզուլի), Մեխակավան (Ջաբրայիլ), Կովսական (Զանգելան):
Հունան Թադևոսյանը նաև տեղեկացրեց, որ այսօր որոնողական աշխատանքներ չեն իրականացվի, քանի որ հունվարի 20-ը Ադրբեջանում սգո օր է՝ «Սև հունվար»: Պատճառը նաև եղանակային անբարենպաստ պայմաններ են, աշխատանքներն ապարդյուն կլինեն, եթե անգամ իրականացվեին:
Հիշեցնենք, որ հունվարի 18-ին որոնողական աշխատանքների արդյունքում հայտնաբերվել էր 8 աճյուն, որից 1-ը՝ Սյունիքի մարզից՝ Դավիթ Բեկ համայնքից: Պատերազմի ավարտից ցայսօր հայտնաբերվել է 1247 աճյուն:
--00—ԼՄ