Մարությանն, ինչպես միշտ, արձակուրդ է, ոչինչ որ ողջ քաղաքը ԱՊՊԱ է ձյան պատճառով. Վարդանյան

ԵՐԵՎԱՆ ՀՈւՆՎԱՐԻ 19,  24News

Թեհմինա Վարդանյան

Երևանի ավագանու «Լույս» խմբակցության անդամ Թեհմինա Վարդանյանը ֆեյսբուքյան իր էջում գրել է.

«Իհարկե, տրամաբանական կլիներ, որ ձնամաքրման իսպառ բացակայության պայմաններում մեղադրեի Մարությանին, բայց դե մարդն, ինչպես միշտ, արձակուրդ է, չէ, հարգել է պետք: Ոչինչ, որ առերևույթ կոռուպցիոն դրսևորումներով քաղաքը ձեռք է բերել ձնամաքրման մեքենաներ ինչպես փողոցների համար, այնպես էլ մայթերի, ոչինչ որ ամբողջ քաղաքը ԱՊՊԱ է մերկասառույցի ու ձյան պատճառով, ոչինչ: Կարևորը` փառք Կարգին Հայկոյին:

Այսօր, ինչպես և բազմիցս, մենք բախվում ենք քաղաքային իշխանության ամլության ու անկարողության հետ: Իշխանության արտացոլանքն այսօր փողոցում է, ամեն քայլափոխի վթարների, փնթիության ու կամազրկության տեսքով: Վայելե´ք տիկնայք և պարոնայք, Դուք անէության թմբիրի մեջ մի անձի ռեիտինգի շնորհիվ ընտրել եք ամուլ քաղաքային իշխանություն: Չնայած` ինչու՞ միայն քաղաքային...

Հ.Գ. Ձյուն է գալիս, երթրեկությունը պարալիզացված է: Նախկիններն են մեղավոր»:

--00--ԱԹ