ԵՐԵՎԱՆ, ԴԵԿՏԵՄԲԵՐԻ 23, 24News
2021 թվականին Երևանի բյուջեում պարգևավճարների ֆոնդը նախատեսվել է 1 մլրդ 23 մլն դրամի չափով, ինչը նախորդ տարվանից շուրջ 49 տոկոսով պակաս է: Այս մասին Երևանի ավագանու նիստի ժամանակ՝ մայրաքաղաքի՝ 2021-ի բյուջեի նախագիծը ներկայացնելիս, հայտարարել է փոխքաղաքապետ Սերգեյ Ներսիսյանը:
Ավագանու «Իմ քայլը» խմբակցության անդամ Տիգրան Գալստյանը արձագանքել է ելույթին՝ հայտարարելով, որ դեմ է պարգևավճարները որպես աշխատավարձ տալուն՝ առաջարկելով քաղաքական կամք դրսևորել ու բարձրացնել աշխատավարձերը:
«Առաջարկում եմ քաղաքապետի, նրա տեղակալների, վարչական շրջանների ղեկավարների, նրանց տեղակալների, վարչության պետերի և իրենց տեղակալների աշխտավարձը բարձրացնել 100 տոկոսով, բաժնի պետերի և իրենց տեղակալների աշխատավարձը՝ 50 տոկոսի չափով, իսկ մնացած աշխատակիցներինը՝ 30 տոկոսի չափով»,-ասել է Տիգրան Գալստյանը:
--00—ԼՄ