Պայքարը Ղարաբաղի համար ավարտված չէ. Էրդողան

ԵՐԵՎԱՆ,  ԴԵԿՏԵՄԲԵՐԻ 10,  24News  

էրդողան

Թուրքիայի նախագահ Ռեջեփ Թայիփ Էրդողանը Բաքվի ռազմաշքերթում ելույթ ունենալով` նախազգուշացում է արել ԼՂ հակամարտության հետագա սրման հետ կապված: Այս մասին հայտնում է DW.com-ը: Էրդողանը հյուրի կարգավիճակով մասնակցել է ռազմական շքերթին, որ անցկացվել է Բաքվում` դեկտեմբերի 10-ին:

Ելույթ ունենալով` Էրդողանը նշել է, որ Հայաստանի ու Ադրբեջանի միջև այս տարածաշրջանի շուրջ հակամարտությունն ավարտված չէ: 

«Պայքարը, որ մղվում է քաղաքական և ռազմական հարթություններում, շարունակվում է նաև բազմաթիվ այլ ճակատներում»,- ասել է նա:

Էրդողանը Երևանին կոչ է արել բարիդրացիական հարաբերություններ հաստատել Բաքվի հետ, միաժամանակ Հայաստանին սպառնացել «Ադրբեջանի երկաթե բռունցքով», եթե վերջինս «շարունակի ագրեսիվ պահվածքը» Հարավային Կովկասում:

--00--ԱԹ