Անհայտ կորած զինծառայողների հարազատները դժգոհ են ԳՇ ներկայացուցչի հետ հանդիպումից

ԵՐԵՎԱՆ,  ԴԵԿՏԵՄԲԵՐԻ 10,  24News  

ՊՆ

 ԳՇ տեղեկատվության բաժնի պետ Սամվել Ասատրյանի հետ հանդիպումը ոչ մի արդյունք չտվեց, եկավ, ասեց՝ պիտի սպասենք: Ինչի՞ն, ո՞ւմ՝ չկա պատասխան․ այս մասին հայտնեցին անհետ կորած զինծառայողների հարազատները, ովքեր Էջմիածնի զորամասում  հանդիպել էին ԳՇ տեղեկատվության բաժնի պետին։

«Ոչ մի բան չասաց: Էլի պիտի սպասենք: Ասաց՝ ընթացիք մեջ ա, հարց եմ բարձրացնում՝ «ասեք՝ ե՞րբ», չեն կարում ասել: Հրամանատարն անգամ չեկավ խոսակցությանը ներկա լիներ»,- ասաց ծնողներից մեկը։  

Անհայտ կորած զինծառայողների հարազատները նշեցին, որ այլևս պատրաստ չեն սպասել։  Հարազատները դիմեցին նաև ԶՈՒ ԳՇ պետ Օնիկ Գասպարյանին՝ իրենցից 5-ին ընդունելու խնդրանքով և հավելեցին․

  «Մնում է՝ հավաքվենք, գնանք մեր երեխեքին հանենք: Մեզ անընդհատ խաբում են»:

--00—ՄՀ