Նիկոլի ստերի բացահայտումն ու փաստեր Կազանյան փաստաթղթի մասին. Շարմազանով

ԵՐԵՎԱՆ, ՆՈՅԵՄԲԵՐԻ 30, 24News

Շարմազանով

ՀՀԿ խոսնակ Էդուարդ Շարմազանովը ֆեյսբուքյան իր էջում արձագանքել է ՀՀ վարչապետ Նիկոլ Փաշինյանի՝ Կազանյան փաստաթղթի մասին գրառմանը: 

Էդուարդ Շարմազանովը գրել է.

«Նիկոլի ստերի բացահայտումն ու փաստեր Կազանյան փաստաթղթի մասին /2011թ/:

1.Արցախի ժողովուրդը քվեարկությամբ, որը պետք է ունենար պարտադիր իրավական ուժ որոշելու էր Լեռնային Ղարաբաղի վերջնական կարգավիճակը։

2.Ընդ որում հանրաքվեի դրվող հարցի ձեւակերպումը որեւէ սահմանափակում չուներ։ Այսինքն Ադրբեջանը որեւէ սահմանափակում չէր կարող դնել Արցախի ժողովրդի ՝հանրաքվեի դրվող հարցի վերաբերյալ։

3.Քվեարկությունը պետք է կատարվեր 1988-ի Լեռնային Ղարաբաղում բնակվող ազգային համամասնությամբ։

Հայերը Լեռնային Ղարաբաղում 1988-ին էլ ճնշող մեծամասնություն էին կազմում,ուստի այս կետը եւս ձեռնտու էր մեզ։

4.Մինչեւ Լեռնային Ղարաբաղի վերջնական կարգավիճակի հաստատումը ՝ տրանսպորտային միջանցքի օգտագործումն ու վերահսկողությունը իրականացվում էր ԼՂՀ իշխանությունների կողմից։

Դժբախտաբար այսօր «ի շնորհիվ հողատուի» այդպես չէ։

5.Լաչինի ու Քարվաճառի ոչ միջանցքային համարվող տարածքների վերադարձն իրականացվելու էր Արցախի վերջնական կարգավիճակի ամրագրման փուլում, բայց ոչ շուտ, քան 5 տարին։

Քարվաճառն ու Լաչինն առնվազն 5 տարի չէին անցնելու Ադրբեջանին և անցնելու էին միայն այն ժամանակ,երբ կամրագրվեր Արցախի վերջնական կարգավիճակը։

6.Շուշին, Հադրութը, Մարտակերտի,Մարտոնու,Ասկերանի շրջանի այսօր արդեն կորցված բնակավայրերը մնում էին մեր տարածքում :

7. Մեղրի- Նախիջեւան ցամաճային ճանապարհի մասին ընդհանրապես խոսք չկար։

Հ.Գ. Հողատուն պետք է հեռանա»,-գրել է Էդուարդ Շարմազանովը։