ԵՐԵՎԱՆ, ՆՈՅԵՄԲԵՐԻ 12, 24News
Ռուսաստանի 15-րդ առանձին խաղաղապահ բրիգադի ստորաբաժանումները, որոնք ղարաբաղյան հակամարտության գոտի են ուղարկվել, ավելի քան 300 կիլոմետր տարածք են անցել՝ հասնելով հայկական Գորիս քաղաք։ Այս մասին ТАСС-ի հաղորդմամբ՝ հայտնել է ՌԴ ՊՆ-ն։
«15-րդ առանձին խաղաղապահ բրիգադի ենթամիավորումների շարասյունը, որը ժամանել էր ղարաբաղյան հակամարտության գոտում խաղաղապահ գործողությանը մասնակցելու համար, անցել է 300 կմ և հասել Գորիս քաղաքի կենտրոնացման տարածք», - նշել է ռազմական գերատեսչությունը:
Ստորաբաժանման կազմում ընդգրկված են պայմանագրային զինծառայողներ, որոնք հատուկ վերապատրաստում են անցել խաղաղապահ առաքելություններ իրականացնելու համար: Մասնավորապես, նրանք ուսումնասիրել են միջազգային մարդասիրական իրավունքի նորմերը զինված բախումներում:
«Խաղաղապահ զորակազմը հագեցած է ժամանակակից զենքերով, ռազմական և հատուկ տեխնիկայով, ներառյալ զրահափոխադրիչներ BTR-82A, «Վագր» և «Թայֆուն» զրահամեքենաներով», - հավելել է Պաշտպանության նախարարությունը:.
--00—ՄՀ