Զելենսկին հերքել է մեղադրանքները՝ Ադրբեջանին ֆոսֆորային ռումբեր մատակարարելու վերաբերյալ

ԵՐԵՎԱՆ, ՆՈՅԵՄԲԵՐԻ 3, 24News

քաղաքական

Ուկրաինայի նախագահ Վոլոդիմիր Զելենսկին հերքել է ռուսահայ ռեժիսոր Սարիկ Անդրեասյանի այն պնդումները, թե Կիևը ֆոսֆորային ռումբեր է մատակարարում ադրբեջանական կողմին Լեռնային Ղարաբաղում մարտերի համար։ Այս մասին հայտնում է РИА Новости-ն:

«Ուկրաինան երբեք և ոչ մի տեղ ֆոսֆորային ռումբեր չի մատակարարել: Ընդհանրապես: Հատկապես այն վայրերում, որտեղ արդեն թեժ է, և որտեղ արդեն կան շատ թեժ կետեր, ովքեր ցանկանում են այնտեղ «աշխարհաքաղաքականորեն լուծել» ինչ-որ բան», - Telegram-ում գրել է Զելենսկին:

Զելենսկին նշել է, որ Ուկրաինան դեմ է ցանկացած արյունալի բախումների և չի աջակցում էսկալացիային:

Հիշեցնենք, որ Սարիկ Անդրեասյանը մեղադրել էր Զելենսկուն Ադրբեջանին ֆոսֆորային ռումբերի վաճառքի և հայ երեխաների մահվան համար:

--0--ԿԿ