«Հաղթանակը, ցավոք, գալու է առանց քեզ գրկելու». զոհվել է իմքայլական պատգամավորի եղբայրը

ԵՐԵՎԱՆ, ՀՈԿՏԵՄԲԵՐԻ 23, 24News

նկար

Արցախում զոհվել է ԱԺ «Իմ քայլը» խմբակցության պատգամավոր Արամ Խաչատրյանի եղբայրը: Այդ մասին իր ֆեյսբուքյան էջում գրել է պատգամավորը:

«Անմահացավ հերոս եղբայրս՝

Սևակ Լևոնի Սերոբյանը,

Sevak Serobyan

Սևա՛կ ջան, իմ հարազատ, բառերը խեղդվում են կոկորդումս, չգիտեմ՝ ինչպես արտաբերեմ բառեր, որոնք հնչելու են անցյալով ու կապվելու են քեզ հետ։

Իմ հպարտություն, իմ ամենաթանկ եղբայր, քո արյունով ներկեցիր հայոց հողն ու պարտադրեցիր այն հաղթանակը, որը, ցավոք, գալու է առանց քեզ գրկելու ու շնորհավորելու։

Անսահման է ցավս, սակայն անսահման է նաև հպարտությունս, որ հանուն Հայրենիքի մղվող սուրբ պատերազմում գլուխդ վայր դրեցիր հայոց եզերքի, տան ու օջախի խաղաղության ու հավերժի համար:

Իմ անմահ հերոս....

Հավերժ փառք ու պատիվ քեզ իմ հզոր եղբայր... Հոգիդ լույսի մեջ լինի, իմ սիրելի եղբայր, իմ Սևակ»:

Մահացել էր նաև «Իմ քայլը» խմբակցության պատգամավոր Վաղարշակ Հակոբյանի եղբայրը, ինչպես նաև ԲՀԿ պատգամավոր Սերգեյ Բագրատյանի եղբոր որդին:

--00—ԼՄ