ԵՐԵՎԱՆ, ՀՈԿՏԵՄԲԵՐԻ 14, 24News
«Բավականին մեծ են Ադրբեջանի զինված ուժերի կորուստները՝ կենդանի ուժի տեսանկյունից այսօրվա և երեկվա ընթացքում», - այս մասին ճեպազրույցի ժամանակ հայտնեց ՊՆ ներկայացուցիչ Արծրուն Հովհաննիսյանը։
ՊՆ ներկայացուցիչը հայտնեց, որ հակառակորդը նոր մարտավարություն է որդեգրել՝ հատկապես բարձունքները գրոհելիս։
«Մեծ խտությամբ հետևակի կիրառություն, աննկարագրելի, այնպիսին, ինչպիսին շատ հաճախ տեսել ենք միայն ֆիլմերում», - նշեց նա։
Անդրադառնալով գերիներին Արծրուն Հովհաննիսյանը տեղեկացրեց, որ մեզ մոտ կան գերիներ, բայց քանիսն են, որտեղ և ինչ վիճակում, նման տեղեկությունների չի տիրապետում։
--00--ԱՀ