35-ամյա տղամարդը պատահաբար կրակել ու վնասել է ոտքը․ նա հոսպիտալացվել է

ԵՐԵՎԱՆ, ՕԳՈՍՏՈՍԻ 31, 24News     

հիվանդ

Օգոստոսի 28-ին բժշկական երկու կենտրոններից ոստիկանություն հաղորդում էր ստացվել, որ ազդրի ծակած և հրազենային վերքերով հիվանդանոց բուժօգնության դիմած 35-ամյա տղամարդը հայտնել էր, որ Պռոշյան փողոցի եկեղեցու մոտ պայթյունի ձայն է լսել, ինչից հետո նկատել է, որ ոտքը վնասված է:
Նյութերի նախապատրաստման ընթացքում Կոտայքի մարզային վարչության և Հրազդանի բաժնի ծառայողները պարզել են, որ տղամարդը վնասվածքը ստացել է Հրազդան քաղաքի Կենտրոն թաղամասի շենքերից մեկի հետնամասում՝ իր կողմից ձևափոխված փամփուշտով գազային ատրճանակից անզգուշաբար կրակելու հետևանքով:
Ատրճանակը հայտնաբերվել է:
Տղամարդը ներկայացրել է նաև օդաճնշիչ ատրճանակ՝ պահունակում մետաղյա 10 գնդակով:
Նշանակվել են փորձաքննություններ:
Նախապատրաստվում են նյութեր: 

-- 00—ՄՀ