ԵՐԵՎԱՆ, ՀՈՒԼԻՍԻ 25, 24News
Ամերիկայի Միացյալ Նահանգներում մեկ օրվա ընթացքում արձանագրվել է կորոնավիրուսով վարակի ավելի քան 73 հազար նոր դեպք: Արդեն չորրորդ օրն է՝ երկրում մեկ օրում կորոնավիրուսից մահացածների թիվը անցնում է հազարը:
Ինչպես հաղորդում է «Արմենպրես»-ը, վկայակոչելով «Ռիա Նովոստի»-ն, այս մասին հայտնում է Ջոն Հոփքինսի համալսարանը, որն ամփոփում է դաշնային և տեղական իշխանությունների տվլայները՝ հաշվի առնելով նաև ԶԼՄ-ների և այլ բաց աղբյուրների հրապարակած տվյալները:
Համալսարանը հայտնում է, որ վերջին 24 ժամում երկրում գրանցվել է վարակի 73 715 նոր դեպք, մահացել է 1130 մարդ:
Հետազոտական համալսարանի վերջին տվյալներով՝ համավարակի տարածման ամբողջ ընթացքում ԱՄՆ-ում գրանցվել է կորոնավարակի 4 112 651 դեպք: Մահացել է 145 հազար մարդ, առողջացել՝ 1,2 միլիոն վարակված:
--0--ԱՀ