Պուտինի նկատմամբ վստահության մասին փաստող հանրաքվե է կայացել. Պեսկով

ԵՐԵՎԱՆ, ՀՈՒԼԻՍԻ 2, 24News 

․

Կրեմլում գոհ են սահմանադրական փոփոխությունների հանրաքվեի արդյունքներից և դրանք համարում են հաղթական: Ինչպես փոխանցում է «Արմենպրես»-ը, վկայակոչելով РБК-ն, այդ մասին լրագրողներին տեղեկացրել է ՌԴ նախագահի մամլո քարտուղար Դմիտրի Պեսկովը: «Ըստ էության, դե-ֆակտո նախագահ Պուտինի նկատմամբ վստահության մասին փաստող հաղթական հանրաքվե է կայացել»,- ասել է Պեսկովը:

Կրեմլում սպասում էին ՌԴ քաղաքացիների բարձր հետաքրքրվածությանը սահմանադրական փոփոխությունների վերաբերյալ: «Դա պայմանավորված է եղել փոփոխությունների ձևավորման գործընթացքում հասարակական ակտիվությամբ»,- նշել է նախագահի խոսնակը: Նրա խոսքով, սակայն, «նման բարձր մասնակցության հայտ և աջակցության բարձրագույն մակարդակ» կանխատեսելը բարդ էր:

ՌԴ Կենտրոնական ընտրական հանձնաժողովի տվյալներով՝ քվեաթերթիկների 100 տոկոսի դիտարկումից հետո երկրի Հիմնական օրենքում փոփոխություններ անելուն կողմ է քվեարկել քաղաքացիների 77.92 տոկոսը, դեմ՝ 21.27 տոկոսը: Մասնակցության հայտը կազմել է 67.97 տոկոս:

--0--ԱՀ