Քոչարյանի գործով դատավորը 31մլն դրամի ավանդ ունի. Աննա Դանիբեկյանի եկամուտների հայտարագիրը

ԵՐԵՎԱՆ, ՀՈՒՆԻՍԻ 12, 24News 

Աննա Դանիբեկյան

Երևան քաղաքի ընդհանուր իրավասության դատարանի դատավոր Աննա Դանիբեկյանը, որը հանրությանը առավել  հայտնի է ՀՀ երկրորդ նախագահ Ռոբերտ Քոչարյանի և մյուսների գործով, Կոռուպցիայի կանխարգելման հանձնաժողովին է ներկայացրել գույքի, եկամուտների և շահերի տարեկան հայտարարագիրը։

42–ամյա դատավորը հայտարարագրել է Շենգավիթ վարչական շրջանում գտնվող երկու բնակարան, որից մեկն իր սեփականությունն է, մյուսում 1/3–ի համասեփականատերն է։

Քրեական գործերով դատավորը 2019թ. հայտարարագրել է ընդհանուր 31 մլն դրամ իբանկային ավանդ։ Տարեսկզբին Դանիբեկյանի բանկային հաշվին եղել է 1 մլն 119 հազար դրամ և 391 եվրո գումար, իսկ տարեվերջին՝ 1 մլն 118 հազար դրամ, իսկ ինչ վերաբերում է կանխիկ միջոցներին, ապա տարեսկզբին նա ունեցել է  շուրջ 2,5 մլն դրամ, որը տարեվերջին նվազել է՝ դառնալով  1 մլն 700 հազար դրամ։

Դանիբեկյանը 9 մլն 813 հազար դրամ ստացել է դատավորի աշխատանքի վարձատրության դիմաց, իսկ 2 մլն 826 հազար դրամ էլ ձևակերպված է տրված որպես՝ փոխառությունների դիմաց ստացված տոկոսը և այլ հատուցում. խոսքը վերաբերում է ավանդների ներդրումից ստացած եկամտին։

--0--ԱՀ