ԵՐԵՎԱՆ, ՀՈՒՆԻՍԻ 11, 24News
«Հետագա քայլերի համար՝ արձանագրելու ենք, թե այս շրջանում քաղաքական ուժերից ով ինչպես է դիրքավորվում»,- Այս մասին 24News-ի հետ զրույցում ասաց «Իմ քայլը» խմբակցության պատգամավոր Արման Բոշյանը:
Անդրադառնալով «Բարգավաճ Հայաստան» կուսակցության առաջնորդ Գագիկ Ծառուկյանի և նրա թիմակիցների՝ իշխանությանն ուղղված քննադատությանն ու իշխանափոխության անհրաժեշտության մասին հայտարարություններին՝ Բոշյանն ընդգծեց՝ ԲՀԿ-ի հայտարարություններում բովանդակություն չկա, դրանք հիմնավորում չունեցող խոսքեր են:
«Մենք քննադատությունից չենք խուսափում, երևի ամենաքննադատված իշխանությունն ենք, բայց քննադատողները պետք է հասկանան, որ ցանկացած քննադատության իշխանությունը պատասխանելու է: Ինչ վերաբերում է ԲՀԿ-ի ու Ծառուկյանի քննադատությանը, ապա, այո, այս պահին դա մեջքից հարված էր»,- նշեց պատգամավորը:
Մանրամասները՝ տեսանյութում։
--0--ԿԿ