Ժողովուրդն ի վերջո ազատվելու է իր լավատեսությունը վերջին կաթիլը ծծած այս պառազիտներից

ԵՐԵՎԱՆ, ՀՈՒՆԻՍԻ 10, 24News

աշոտյան

ՀՀԿ փախնախագահ Արմեն Աշոտյանը Ֆեյսբուքի իր էջում անդրադարձել է վարչապետ Փաշինյանի հայտարարությանը, թե՝  «ՀՀ-ում տարածվում է քաղաքական կորոնավիրուս, որը ի տարբերություն առողջապահականի, կբերի այդպիսի բացիլի հատկանիշ ունեցող քաղաքական եւ հասարակական ուժերի քաղաքական իմաստով մահվան»:

«Նիկոլ Փաշինյանը քիչ առաջ ասուլիսի ժամանակ իր քննադատներին անվանել է բացիլ: Պատկերացնում ե՞ք:

Ցավում եմ, որ ստիպված եմ իր մակարդակին համապատասխան արձագանքել, բայց այլ տարբերակ չի մնում:

Պետության գալարներում ծվարած մակաբույծ ասկարիդների մայր-որդն իր քաղաքական մրցակիցներին անվանել է բացիլ:

Երկրի ճիճվաթափության գործընթացը սկսված է, և ժողովուրդն ի վերջո ազատվելու է իր լավատեսությունը մինչև վերջին կաթիլը ծծած այս պառազիտներից:

Հ.Գ. վայ, անտիբիոտիկս գլխիդ, հաա...»,- գրել է Աշոտյանը: