Գեղարքունիքի մարզում հաստատվել է COVID-19-ի 11 նոր դեպք, 5-ն առողջացել են. մարզպետ

ԵՐԵՎԱՆ, ՄԱՅԻՍԻ 23, 24News

կորոնա

Գեղարքունիքի մարզում հաստատվել է կորոնավիրուսային հիվանդության 11 նոր դեպք։ Այս մասին ֆեյսբուքյան իր էջում հայտնում է մարզպետ Գնել Սանոսյանը:

«Մայիսի 23-ի դրությամբ Գեղարքունիքի մարզում հաստատվել է կորոնավիրուսային հիվանդության ընդհանուր 334 դեպք, որոնցից 135-ն՝ առողջացած:

Այսպիսով, ունենք կորոնավիրուսային հիվանդությամբ հաստատված 11 նոր դեպք, 5 առողջացած:

Հաստատված դեպքեր ունենք մարզի Վարդենիս, Մեծ Մասրիկ, Շատվան, Սոթք, Նորակերտ, Ծովինար, Ծովազարդ, Սևան, Դդմաշեն, Գեղամավան, Զովաբեր, Մարտունի (քաղաք), Խաչաղբյուր, Արեգունի, Լճաշեն, Ծակքար, Վերին Գետաշեն, Վարսեր, Արփունք, Ծովակ, Փոքր Մասրիկ, Վարդաձոր, Զոլաքար, Գեղամասար, Գանձակ, Չկալովկա, Աստղաձոր, Արծվանիստ, Ներքին Գետաշեն և Ձորագյուղ համայնքներում»,- ասված է էջում կատարված գրառման մեջ։