Որպես ՀՀ էկոնոմիկայի նախարար և Առևտրատնտեսական հարցերով զբաղվող հայ-չինական համատեղ հանձնաժողովի համանախագահ Չինաստանի Թիենծին քաղաքում պատիվ ունեցա մասնակցել ՀՀ վարչապետ Նիկոլ Փաշինյանի և ՉԺՀ նախագահ Սի Ծինփինի հանդիպմանը, որտեղ հայտարարվեց Հայաստանի և Չինաստանի ռազմավարական գործընկերության մասին։ Այդ մասին ֆեյսբուքյան էջում գրել է Էկոնոմիկայի նախարար Գևորգ Պապոյանը․

«Փաստաթղթում կարևոր դեր է հատկացված տնտեսության, առևտրի, ներդրումների և զբոսաշրջության ոլորտներում համագործակցության խորացմանը, մասնավորապես ներդրումների և առևտրի խոչընդոտների վերացմանն ու գյուղատնտեսության, արդյունաբերության, բարձր տեխնոլոգիաների և էներգետիկայի ոլորտներում գործակցությանը»,- նշել է նա։