ԵՐԵՎԱՆ, ՀՈՒԼԻՍԻ 9, 24News

ՀՀ Վիճակագրական կոմիտեն հրապարակել է պարենային առանձին ապրանքախմբերի գների փոփոխությունների վերջին տվյալները մայիսի դրությամբ։

Ըստ ցուցանիշների 2025 թվականի մայիսին 2024 թվականի մայիսի համեմատ սննդամթերք և ոչ ալկոհոլային խմիչքը  թանկացել է 7.4 %-ով, հացաբուլկեղենը և ձավարեղենը՝  3.3 %-ով, միսը 1.1%-ով։

Անհամեմատ ավելի թանկացել է բանջարեղենը 29 %-ով, ձուկն ու ծովամթերքը՝ 20 %-ով, սուրճը, թեյը և կակաոն՝ 13.8 %-ով, միրգը 13.4 %-ով, յուղերը և ճարպերը՝ 12.9 %-ով, ոչ ալկոհոլային խմիչքը՝ 10 %-ով իսկ ալկոհոլային խմիչքը, ծխախոտային արտադրատեսակները՝ 5.8 %-ով։

Իջել են միայն շաքարի, շաքարավազի գները(3.1%-ով) և կաթնամթերքի, պանրի ու ձվի ենթախմբի ապրանքները՝ 2.3 %-ով։