ԵՐԵՎԱՆ, ՀՈՒՆԻՍԻ 16, 24News

2025 թվականի հունվար-մայիսին Հայաստան է ժամանել 691 882 զբոսաշրջիկ, ինչը 73 562–ով քիչ է 2024 թվականի նույն ժամանակահատվածի ցուցանիշից։ Տվյալները ներկայացրել է ՀՀ զբոսաշրջության կոմիտեն։

Հայաստան առավել շատ զբոսաշրջային այցելություններ գրանցվել են Ռուսաստանից` 256 367 քաղաքացի (զբոսաշրջիկների ընդհանուր թվի 37%-ը)։ Վրաստանը (100 645 մարդ) և Իրանը (55 580) համապատասխանաբար երկրորդ և երրորդ տեղերում են։

Հնգյակում են նաև Հնդկաստանը և Չինաստանը։ Այդ երկրներից Հայաստան ժամանել է համապատասխանաբար 10 159 և 9 508 մարդ։

ՀՀ ժամանողների մեծ մասը (60%) ընտրել է օդային տրանսպորտը։

Զբոսաշրջիկների ամենաակտիվ խումբը 35-44 տարեկաններն են։