ԵՐԵՎԱՆ, ՀՈՒՆԻՍԻ 11, 24News

Հունիսի 26-ին Մինսկում կայանալիք IV Եվրասիական տնտեսական ֆորումի ընթացքում կքննարկվի ԵԱՏՄ միասնական աշխատաշուկայի զարգացման մարտահրավերներն ու հեռանկարները։

Աշխատուժի ազատ տեղաշարժի ապահովմանը և ԵԱՏՄ անդամ պետությունների միջև կադրերի վերապատրաստման ոլորտում տնտեսական համագործակցության զարգացմանն ուղղված «Ռազմավարություն-2025» միջոցառումների իրականացումը նպաստում է Միության միասնական աշխատաշուկայի զարգացմանը։

ԵԱՏՄ անդամ պետությունների տնտեսությունների կայուն զարգացման վճռորոշ գործոններից մեկը որակավորված աշխատողների առկայությունն է։

Աշխատողների որակավորման հետևողական մերձեցումը կհանգեցնի աշխատանքի արտադրողականության բարձրացմանը։ Միջպետական ​​զբաղվածության ոլորտում մասնագիտական ​​հմտությունների ճանաչման պայմանների մշակումը խոստումնալից է թվում։

IV Եվրասիական տնտեսական ֆորում-2025-ի «Միասնական աշխատաշուկա. մարտահրավերներ և հեռանկարներ» թեմատիկ նիստում (10:50-12:20, դահլիճ № 3, 1-ին հարկ) կքննարկվեն.

∙ աշխատանքային միգրացիայի ոլորտում «Ռազմավարություն-2025»-ի իրականացման արդյունքների վերաբերյալ տեղեկատվություն։

∙ ԵԱՏՄ միասնական աշխատաշուկայի հետագա զարգացման հեռանկարային ոլորտներ։

Նստաշրջանի ընթացքում ելույթ կունենան ԵԱՏՄ անդամ պետությունների համապատասխան մարմինների ղեկավարները, ինչպես նաև ՄԱԿ-ի մասնագիտացված գործակալությունների, գործարար համայնքի և հասարակական կազմակերպությունների ներկայացուցիչներ։

–00—ՅՄ