ԵՐԵՎԱՆ, ՄԱՅԻՍԻ 15, 24News

EBRD-ի հետ համագործակցության արդյունքում Evocabank-ը ստացել է 19.4 մլն եվրո` տեղական ՄՓՄՁ-ներին և խոշոր բիզնեսներին աջակցելու նպատակով։

Evocabank-ը ներգրավել է 19.4 միլիոն եվրո` տեղական ՄՓՄՁ-ներին և խոշոր բիզնեսներին աջակցելու նպատակով:

• Evocabank-ը դարձել է EBRD-ի գործընկերը Հայաստանում՝ ՄՓՄՁ և խոշոր բիզնեսների աջակցման ծրագրի շրջանակում
• Կանաչ կլիմայի հիմնադրամի և Կլիմայի ներդրումների հիմնադրամի համաֆինանսավորման միջոցով կտրամադրվի աջակցություն՝ Հայաստանում կանաչ տնտեսությանն անցման նպատակով
• Evocabank-ը ստորագրել է համաձայնագրեր Լոնդոնում՝ EBRD-ի տարեկան հանդիպման և Գործարար համաժողովի ընթացքում

Վերակառուցման և Զարգացման Եվրոպական Բանկը (ՎԶԵԲ) և Evocabank-ը ստորագրել են համաձայնագրեր՝ ուղղված Հայաստանի ձեռնարկություններին աջակցություն տրամադրելուն և կանաչ տնտեսությանն անցմանը:

19.4 միլիոն եվրոյի ֆինանսական փաթեթը համաձայնեցվել է EBRD-ի Ֆինանսական հաստատությունների գծով Գլխավոր տնօրեն Ֆրանսիս Մալիժի և Evocabank-ի Վարչության նախագահ Կարեն Եղիազարյանի միջև Լոնդոնում՝ EBRD-ի 2025թ. տարեկան հանդիպման և Գործարար համաժողովի ընթացքում: Այս գործարքն առաջին համագործակցությունն է EBRD-ի և Evocabank-ի միջև:

Գործարքը բաղկացած է երեք մասից.

• Մինչև 10 միլիոն եվրո վարկ՝ նախատեսված միկրո, փոքր և միջին ձեռնարկությունների (ՄՓՄՁ) ֆինանսավորման համար, որը կօգնի տեղական բիզնեսներին ընդլայնվել և ամրապնդել իրենց կայունությունը,
• EBRD-ի Կանաչ տնտեսության ֆինանսավորման գործիքի (GEFF) շրջանակում մինչև 5 միլիոն եվրոյի միջոցներ, որը ֆինանսավորվում է Կանաչ կլիմայի հիմնադրամի (GCF) և Կլիմայի ներդրումային հիմնադրամների (CIF) կողմից, ինչը կօգնի բիզնեսներին ներդրումներ կատարել կլիմայի փոփոխության մեղմացման և հարմարվողականության տեխնոլոգիաների մեջ, որոնք կբարելավեն արտադրողականությունը և կնվազեցնեն շահագործման ծախսերը,
• 4 միլիոն եվրոյի առևտրային ֆինանսավորման գիծ EBRD-ի Առևտրի խթանման ծրագրի (TFP) շրջանակում, որը կբարելավի առևտրային հոսքերը և տեղական բիզնեսներին հնարավորություն կտա մուտք գործել նոր շուկաներ՝ ավելի ամուր միջազգային առևտրային կապերի միջոցով։

Ֆրանսիս Մալիժն ասաց. «Evocabank-ի հետ մեր համագործակցությունը կարևորագույն դեր է խաղալու Հայաստանի տնտեսության այն սեգմենտների համար, որոնք բավարար ֆինանսական միջոցներ չեն ստանում, միևնույն ժամանակ նպաստելու է կանաչ տեխնոլոգիաների ներդրմանը: Մենք ուրախ ենք ողջունելու Evocabank-ին՝ որպես Հայաստանում մեր նոր գործընկեր»:

Կարեն Եղիազարյանը հավելեց. «Evocabank-ը հպարտությամբ է միանում EBRD-ի գործընկեր բանկերի շարքին: Այս համագործակցությունն ամրապնդում է մեր հնարավորությունները` աջակցելու Հայաստանի ձեռներեցներին և բիզնեսներին՝ խթանելով նորարարությունը, կայունությունը և մուտքը միջազգային շուկաներ»:

Հայաստանում իր գործունեության ծավալման օրվանից ի վեր (1992թ.)՝ EBRD-ը ներդրել է ավելի քան 2.5 միլիարդ եվրո 224 նախագծերում, որոնք իրականացվել են Հայաստանի ֆինանսական, կորպորատիվ, ենթակառուցվածքային և էներգետիկայի ոլորտներում, որից 84%-ն ուղղվել է մասնավոր ոլորտ:

–00—ԱՊ