ԵՐԵՎԱՆ, ԱՊՐԻԼԻ 22, 24News

Հայաստանը վերջին երեք տարիներին մնում է ԵԱՏՄ շրջանակներում տնտեսական աճի առաջատարներից մեկը։ Այդ մասին հայտարարել է ԵՏՀ ինտեգրման և մակրոտնտեսության հարցերով կոլեգիայի անդամ Էլդար Ալիշերովը։

Օրինակ՝ 2024 թվականին երկրի տնտեսությունն աճել է 5,9 տոկոսով։ Տնտեսական ակտիվությունը շարունակում է բարձր մնալ. 2025թ. փետրվարին տնտեսական ակտիվության ցուցանիշը կազմել է 4.1%: Դրական միտումներ է դրսևորում աշխատաշուկան. նկատվում է աշխատավարձերի և զբաղվածության աճ, զգալիորեն նվազել է գործազրկությունը, հավելել է նա։